Showing 25 results

Ymhlith y gohebwyr mae Dyfed Thomas, Dafydd Parri yn trafod Y Llewod, Derrick K. Hearne, Eleri Llewelyn Morris yn trafod Pais a bod Robat Gruffudd yn tynnu lluniau ar gyfer y cylchgrawn, a Catrin Stevens. Trafodir hefyd Y Camau Cyntaf: Dwylo ar y Piano a threfniadau Te Parti'r Taeogion, sef noson LOL yn Abertawe yn ystod Eisteddfod Genedlaethol Cymru 1980. Ceir hefyd restr, 1982, a luniwyd gan staff Archifdy Dyfed (Ceredigion), o gofnodion yr heddlu yn Nhalybont a roddwyd i'r archifdy gan Robat Gruffudd.

Llythyrau oddi wrth ohebwyr yn cynnwys Islwyn Ffowc Elis yn trafod ei lyfr caneuon, Judith Maro, Bobby Freeman a Dafydd Parri yn trafod eu llyfrau a materion eraill, Royston James yn trafod llyfr ar hiwmor rygbi, a Huw Vaughan Jones gan gynnwys copïau o'i waith: stribed gomic 'Mot Mellten'. Ceir hefyd lythyrau yn trafod y llyfr Trwy Ogof Arthur.

Llythyrau oddi wrth ohebwyr amrywiol yn cynnwys Islwyn Ffowc Elis yn trafod llyfr o ganeuon a'r posibilrwydd o recordio gyda Sain, Ieuan Rhys yn trafod Hwyl a Hafoc, Gwynfor Evans yn trafod llyfr ar genhedloedd bach megis Estonia a Latfia a Chymru, Royston James ar Clwb i'r Campau, Judith Maro yn trafod Y Carlwm a'r Anthology. Ceir hefyd drafodaeth ar lyfr Dafydd Parri, Doethion Aberdwli.

Llythyrau oddi wrth ohebwyr yn cynnwys Dafydd Parri yn trafod Cailo 5 a llythyrau yn trafod Gwobr Goffa Daniel Owen, 1990, Leopold Kohr, Angharad Tomos a Bobby Freeman ac ymateb Robat Gruffudd i Strategaeth Genedlaethol y Celfyddydau, 1991-1992. Mae'r pynciau a drafodir yn cynnwys ail-gyhoeddi cyfrol Gwynfor Evans, Land of my Fathers, cyflwyno gwaith ar ddisg yn electronig, cytundeb gyda Cwmni Ffilmiau Elidir i wneud rhaglen deledu o Rala Rwdins a'i marchnata, a phenblwydd y Lolfa yn 25 mlwydd oed, 1992. Ceir copïau o lythyrau oddi wrth Robat Gruffudd yn ymwneud â chael cystadleuaeth i ddewis pwy fydd yn cyhoeddi cyfrol y Fedal Ryddiaith.

Llythyrau oddi wrth ohebwyr yn cynnwys Emrys Roberts ac Arwel Vittle. Ceir trafodaeth yn ogystal ar nofel gan Robat Gruffudd gyda Rhiannon Ifans yn ei olygu iddo.

Llythyrau oddi wrth ohebwyr yn cynnwys Richard Booth yn trafod ei hunan-fywgraffiad, ac Eileen Beasley. Ceir trafodaethau ar ben-blwydd y Lolfa yn 30 mlwydd oed, yn cynnwys llythyrau yn diolch am wahoddiadau i'r parti a thrafodaeth ar brynu Capel Tabernacl, Tal-y-bont (yn cynnwys allbrintiau o e-byst).

Llythyrau oddi wrth yr Athro Gwilym O. Roberts a chopïau o atebion Robat Gruffudd yn trafod cyhoeddi Amddifad Gri, eitemau yn LOL a chyfnodolion a phapurau eraill, y Gymru gyfoes, crefydd, a'r sefydliad, 1974-1979.

Ymhlith y gohebwyr mae Bernard Picton (Knight), Dafydd Iwan, John Jenkins o garchar Albany yn cynnig syniad am gardiau i garcharorion 'gwleidyddol', Judith Maro yn trafod ei nofelau, Gareth Miles yn trafod ei gyfraniad at LOL a gweithiau eraill, Islwyn Ffowc Elis, Derrick K. Hearne ar ei gyfrol The Rise of the Welsh Republic, a Watcyn Owen ar ran John Jenkins. Hefyd ceir llythyrau yn trafod ymgyrch Dwynwen, gwaith Cymdeithas yr Iaith, posteri ar gyfer Plaid Cymru, safiad Robat Gruffudd yn mynnu ffurflenni Cymraeg, ac adeilad y Lolfa.

Ymhlith y gohebwyr mae Meg Ellis yn trafod cynnig Robat Gruffudd i wrthod siarad Saesneg a straeon ganddi, Eric Wyn Roberts, Judith Maro, Dafydd Parri yn trafod Y Llewod a Marc Daniel, Bernard Knight yn trafod ei lyfr Lion Rampant, Meic Stephens ar ran Cyngor Celfyddydau Cymru yn trafod y cynllun newydd er cynorthwyo cyhoeddwyr i gyflogi staff gweinyddol neu olygyddol, John Jenkins o garchar Albany ynghylch cardiau celtaidd, Derrick K. Hearne ar y sefyllfa wleidyddol yng Nghymru, datganoli, Plaid Cymru a Chymdeithas yr Iaith; Harri Webb ar gyfrifoldeb y llywodraeth i ariannu cyhoeddiadau Cymraeg; ac Emily Huws yn trafod ei nofelau diweddaraf. Hefyd ceir cerdd gan Alan Llwyd 'Awdl archebol i'r Lolfa'; llythyrau yn trafod Cymdeithas Emrys ap Iwan, y galw am bosteri a chardiau Cymraeg, disgo'r Llewod yn 1976, a chasglu deunydd i LOL ar ei newydd wedd. Yn y ffeil ceir hefyd bapurau yn ymwneud ag 'Ymgyrch Cymreigio Ysgol Penweddig yn cynnwys deiseb gan rieni a chopi o 'Y Gymraeg yng Ngwyddoniaeth a Thechnoleg ein Colegau – y Ffordd Ymlaen', Adroddiad Gweithgor y Gymdeithas Wyddonol Genedlaethol.

Llythyrau oddi wrth ohebwyr yn cynnwys Eleri Llewelyn Morris yn trafod Pais, Teledu Twf a llyfr ffasiwn, John Morris ynghylch llun a brynwyd gan Robat Gruffudd a'r posibilrwydd o hysbysebu gwaith John Morris, Judith Maro, Catrin Stevens ynghylch Sgorio 1000, Dafydd Parri ynghylch Marc Daniel gan gynnwys sylwadau Dylan Williams o'r Cyngor Llyfrau. Ceir hefyd gerdyn post gan Harri Webb yn gwerthfawrogi LOL a chopïau o lythyrau at Angharad Tomos ynghylch cyfres Rala Rwdins.

Llythyrau oddi wrth ohebwyr yn cynnwys Angharad Tomos yn trafod Diwrnod Golchi, Strempan a llyfr cartŵn ar hanes Cymru, Dafydd Parri, Richard Morris Jones ynglŷn â stori yn LOL, y Cyngor Llyfrau. Ceir hefyd lythyrau yn trafod deunydd hysbysebu 'Police Conspiracy?' a'r problemau yn sgîl ei gyhoeddi, llythyrau oddi wrth Robat Gruffudd yn ymwneud â 'Chyfres Byw Heddiw', a chopïau o lythyrau oddi wrth reolwr marchnata'r Lolfa a Robat Gruffudd yn trafod posibiliadau ar gyfer cyhoeddi.

Llythyrau oddi wrth ohebwyr yn cynnwys Cynog Dafis ar y Mesur Iaith ac Angharad Tomos ynghylch animeiddio cyfres Rwdlan. Mae pynciau eraill a drafodir yn cynnwys problemau ariannol y Lolfa a'r angen i bobl dalu eu ffioedd yn fuan, colli cytundeb cylchgronau Urdd Gobaith Cymru, y posibilrwydd o ailddechrau calendr Cymru Fydd, a'r nofel Genod Neis.

Llythyrau oddi wrth ohebwyr yn cynnwys Dafydd Parri yn trafod ei lyfrau a materion eraill. Yn ogystal trafodir llyfrau Cadwgan a llyfrau hyfforddi mewn chwaraeon.

Llythyrau oddi wrth ohebwyr yn cynnwys Eleri Llewelyn Morris, Dafydd Ladd a llungopi o'i sylwadau ar y llyfr Police Conspiracy?, Judith Maro, Dafydd Parri yn cynnwys crynodeb o Doethion Aberdwli, ac Emrys Roberts. Ceir hefyd lythyrau yn trafod y posibilrwydd bod Dafydd Ladd am ddylunio cerdyn Nadolig o'r carchar a beirniadaeth Nesta Wyn Jones ar 'Cymland', llun-gopïau o'r lluniau, ac un llun gwreiddiol.

Llythyrau oddi wrth ohebwyr yn cynnwys Islwyn Ffowc Elis a Judith Maro yn trafod eu llyfrau a materion eraill, Angharad Thomas yn trafod Plaid Cymru, y posibilrwydd o symud i Lundain a phynciau eraill, a Ioan M. Richard yn ateb cyhuddiadau yn LOL yn ymwneud â Phlaid Cymru a Meibion Glyndŵr. Yn ogystal ceir llun-gopïau o'r llythyrau a anfonwyd allan yn galw am ddinistrio hysbysebion Police conspiracy, copi o'r 'Arolwg o'r Cylchgronau a noddir gan Gyngor y Celfyddydau' gan Rhodri Williams, a phapurau yn ymwneud â'r angen am wythnosolion, a llythyrau yn ymwneud ag Y Llosgi gan Robat Gruffudd.

Llythyrau, ymhlith pynciau eraill, yn ymwneud â sefydlu cwmni 'Cyfathrebau Pow Wow', dirwy oddi wrth Llys yr ynadon yng Nghaerdydd, llyfr Rhiannon Ifans Chwedlau Arthur; Cwrt y Gŵr Drwg; a llyfr Colin Palfrey The Unofficial Guide to Wales.

Llythyrau oddi wrth ohebwyr yn cynnwys Arwel Vittle a'i ymateb i feirniadaethau negyddol o'i lyfr Post Mortem. Mae'r pynciau a drafodir yn y ffeil yn cynnwys defnydd o'r iaith Gymraeg a chwynion Robat Gruffudd ynglŷn â dyfarniadau y Cyngor Llyfrau ynglŷn â grantiau i lyfrau, y llyfr Sbectol Inc, a phroblemau gyda'r Emporium, Tal-y-bont o ran ail gysylltu pibau dŵr a charffosiaeth.

Llythyrau gan nifer o ohebwyr yn cynnwys Islwyn Ffowc Elis, copïau o atebion Robat Gruffudd, a chopïau o lythyrau ganddo at Heini Gruffudd, ei frawd, ac at yr Arglwydd Dafydd Elis Thomas.

Llythyrau yn dyddio o'r blynyddoedd cyn i'r wasg gael ei sefydlu a'r blynyddoedd cynnar. Mae'r gohebwyr yn cynnwys Ifor Puw, Gwynfor Evans, Islwyn Ffowc Elis, a Ruth Stephens. Trafodir yr angen am rywle i gyhoeddi gweithiau Cymraeg, y broses o gyhoeddi'r cylchgrawn LOL a'r llyfryn 'Hyfryd Iawn', Enwau Cymraeg i blant/ Welsh names for children a chyhoeddiadau Plaid Cymru. Hefyd ceir llythyrau yn trafod gwahanol brisiau ac offer cynhyrchu a chyhoeddi, a'r adeilad yn Nhal-y-bont, ynghyd â nifer o bamffledi yn hysbysebu LOL a'r Lolfa, a deiseb yn galw am neuadd breswyl Gymraeg yn Aberystwyth.

Llythyrau oddi wrth ohebwyr yn cynnwys Dyfed Thomas, Dafydd Parri, a Nia Rhosier, ac Ifan Wyn Williams sy'n trafod erthyglau yn LOL. Ceir trafodaethau ynghylch cyhoeddiadau posibl a digwyddiadau LOL.