Showing 38 results

Mae'r gyfres yn cynnwys dau ddarn o waith anorffenedig, ynghyd â pheth gohebiaeth a rhai nodiadau perthynol, a luniodd Angharad Tomos ar ôl ennill Ysgoloriaeth Awdur, Cyngor Celfyddydau Cymru, i'w galluogi i gymryd chwe mis i ysgrifennu yn ystod 1989-1990.

Mae'r ffeil yn cynnwys dau lyfr nodiadau sy'n cynnwys drafftiau llawysgrif cynnar o Titrwm (1994), ynghyd â nodiadau a phytiau o ddyddiadur, 1992-1993.

Mae'r gyfres yn cynnwys llawysgrifau, teipysgrifau a nodiadau, 1996-1997, yn ymwneud ag ysgrifennu Wele'n gwawrio (1997), a enillodd Fedal Ryddiaith Eisteddfod Genedlaethol y Bala, 1997, i Angharad Tomos.

Mae'r grŵp hwn yn cynnwys wyth o wahanol sgriptiau ar gyfer plant ac oedolion, yn waith gwreiddiol ac yn gyfieithiadau, 1988-1994.

Mae'r ffeil yn cynnwys amlen ac ynddi sgript deipysgrif a rhai nodiadau llawysgrif ar gyfer darn byr o ddeialog ar gyfer dwy ferch, yn dwyn y teitl 'Cyffes', a gomisiynwyd ym 1993 ar gyfer Eisteddfod Genedlaethol Nedd a'r Cyffiniau, 1994.

Mae'r ffeil yn cynnwys llawysgrif nofel anorffenedig yn dwyn y teitl 'Si Hei Lwli' a ysgrifennwyd yn ystod diwedd 1989 a dyddiau cynnar 1990. Er bod y gwaith hwn yn dwyn yr un teitl â gwaith diweddarach gan Angharad Tomos nid oes unrhyw berthynas rhwng y cynnwys.

Mae'r gyfres yn cynnwys drafftiau o'r nofel ac o waith celf sy'n gysylltiedig â hi, 1990-1993.

Mae'r ffeil yn cynnwys gwybodaeth am y cyfnod a dreuliodd ym Mharc Glynllifon ac enghreifftiau o waith celf Angharad Tomos a Marc Vyvyan-Jones gogyfer â Sothach a Sglyfath (1993), 1990-1993.

Mae'r ffeil yn cynnwys teipysgrif sgript 'Fel paent yn sychu', drama lwyfan gyntaf Angharad Tomos, a ysgrifennwyd ganddi ar y cyd â Chwmni Theatr Crwban, ar gyfer Eisteddfod Genedlaethol Casnewydd, 1988.

Mae'r ffeil yn cynnwys copi o'r sgript a'r pecyn addysg a baratowyd i gyd-fynd â'r cynhyrchiad o 'Diffinia', sioe am Wlad y Basg, ynghyd â pheth gohebiaeth berthynol, 1991. Hon oedd un o'r dramâu a gynhyrchwyd o ganlyniad i'r flwyddyn a dreuliodd Angharad Tomos yn Awdur Preswyl gyda thri chwmni Theatr Mewn Addysg yn ystod 1991, y tro hwn ar gyfer Cwmni'r Frân Wen.

Mae'r ffeil yn cynnwys drafft o sgript 'Tanddaearol' sy'n cynnwys newidiadau sylweddol yn llaw'r awdur, ynghyd â nodiadau, syniadau am y set, copïau o adolygiadau a deunydd hysbysebu, 1991. Hon oedd un o'r dramâu a gynhyrchwyd o ganlyniad i'r flwyddyn a dreuliodd Angharad Tomos yn Awdur Preswyl gyda thri chwmni Theatr Mewn Addysg yn ystod 1991, y tro hwn ar gyfer Cwmni Hwyl a Fflag.

Mae'r ffeil yn cynnwys teipysgrif derfynol o sgript y sioe 'Cerdyn post o Wlad y Rwla', 1994.

Mae'r ffeil yn cynnwys teipysgrif 'Dawns atgo', cyfieithiad Cymraeg Angharad Tomos o Brian Friel, Dancing at Lughnasa (Llundain, 1990); ynghyd â rhai nodiadau a dau gopi o'r rhaglen ar gyfer perfformiad Saesneg o'r ddrama yn yr Abbey Theatre, Dulyn, ym mis Ionawr 1991.

Mae'r grŵp hwn yn cynnwys torion o erthyglau Angharad Tomos i Y Faner, copïau teipysgrif a rhai torion o'i cholofn olygyddol a'i cholofn fel Cadeirydd yn Nhafod y Ddraig, ynghyd â nodiadau ar gyfer rhai o'i hareithiau ac ambell erthygl amdani hi, 1979-1983.

Mae'r grŵp hwn yn cynnwys nodiadau gwersi a baratowyd ganddi ar gyfer ysgolion cynraddd Bro Dysynni, gwanwyn 1993.