Dangos 44 canlyniad

Mae'r ffeil yn cynnwys drafft llawysgrif o ddrama o'r enw 'Yr Unben', ac o ddrama di-deitl am 'Syr Alwyn'. Ceir hefyd nodiadau ar gyfer drama dditectif radio, a nodiadau amrywiol eraill.

Mae'r ffeil yn cynnwys fersiwn teipysgrif o Yn ôl i Leifior: ar gyfer oedolion sy'n dysgu Cymraeg (1989). Mae'r ffeil hefyd yn cynnwys gohebiaeth a dogfennau'n ymwneud â'r Cyngor Llyfrau Cymraeg, 1987-1989.

Mae'r ffeil yn cynnwys wyth llyfr nodiadau yn cynnwys y drafft llawysgrif cyntaf o'r nofel Yn ôl i Leifior (1956). Ni nodir y teitl ar y llyfrau nodiadau. Rhifwyd y dalennau gan yr awdur.

Traethawd ymchwil Johan Schimanski, 'A Poetics of the Border'. Nation and genre in Wythnos yng Nghymru Fydd and other texts by Islwyn Ffowc Elis' (Prifysgol Oslo, 1996).

Llyfr lloffion yn ymwneud ag isetholiad Maldwyn 1962. Yr oedd Islwyn Ffowc Elis yn ymgeisydd ar ran Plaid Cymru.

Mae'r ffeil yn cynnwys pum llyfr nodiadau yn cynnwys y drafft llawysgrif cyntaf o'r nofel Tabyrddau'r Babongo (1961). 'Tabyrddau'r Babongo' neu 'T.B.' yw'r teitl ar bob llyfr nodiadau, ac maent wedi cael eu rhifo mewn trefn gan yr awdur.

Mae'r ffeil yn cynnwys storïau byrion di-deitl. Mae un stori yn anghyflawn a cheir pymtheg dalen rhydd yn ychwanegol at y llyfrau.

Mae'r ffeil yn cynnwys drafft o stori di-deitl.

Mae'r ffeil yn cynnwys stori anghyflawn, dyddiadur dychmygol, cerddoriaeth mewn nodiant sol-ffa, nodiadau ar grefyddau Groeg a Rhufain, ac erthygl ar 'Yr Ymerodraeth Olau, apologia'r mabinogiaid newydd'.

Mae'r ffeil yn cynnwys sgriptiau radio'r BBC, 1960-1963, a chopïau teipysgrif o sgyrsiau radio, erthyglau, a deunydd amrywiol.

Adysgrifiad o’r drafodaeth rhwng Eirian Davies ac Islwyn Ffowc Elis a recordiwyd yn 1971; tair sgript ‘Dylanwadau’, 1992 ar gyfer y gyfres o sgyrsiau radio ‘Sglein’, 1993 (y gyntaf yn eisiau) a 'Rhwng Gŵyl a Gwaith'.

Sgriptiau'r gyfres deledu ‘Rhai yn fugeiliaid’,1962; sgript radio ‘Y gôt fawr’ a droswyd o’r Eidaleg ganddo, 1963; ‘Gwanwyn diweddar’, drama gyfres ar gyfer y teledu, 1963; a 'Bwystfil y ddaear', 1965, ynghyd â sgript 'Y silff lyfrau' yn cynnwys adolygiad o Yn ôl i Leifior, 1957 a dwy ffars 'Gŵr Mrs Jones' a 'Y Golofn danllyd'.

Mae'r ffeil yn cynnwys drafft llawysgrif drama o'r enw 'Salvator Jones', (hanes yr hynod Salvator Jones, proffwyd y dyfodol). Ceir hefyd nodiant sol-ffa ar gyfer caneuon ac unawdau sy'n rhan o'r ddrama.

Copi o'r Arloeswr, Gaeaf 1959, yn cynnwys y gerdd 'Perthyn' ganddo a'i drosiad o Efengyl Mathew i Gymraeg diweddar (1961).

Pregethau a draddodwyd ganddo, [1964]-[1997]. Cofnodir enw'r eglwys ar y bregeth, yn arbennig Eglwys Shiloh, Llanbedr Pont Steffan.

Mae'r ffeil yn cynnwys nodiadau ar gyfer darlithoedd ar ysgrifennu creadigol, y nofel, y stori hir, ac 'Awduron at iws gwlad', yn ystod cyfnod Islwyn Ffowc Elis fel darlithydd a darllenydd yn y Gymraeg yng Ngholeg Prifysgol Dewi Sant, Llanbedr Pont Steffan.

Mae'r ffeil yn cynnwys pum llythyr a deugain oddi wrth Robin Williams, cyfaill i Islwyn Ffowc Elis, a phum ffotograff o Islwyn Ffowc Elis, Robin Williams, Y Parch. Huw Jones (Bala) ac eraill. Mae'r awdur yn ysgrifennu llythyrau digrif ac yn defnyddio ffugenwau a chyfeiriadau dychmygol yn ei lythyrau.

Mae'r ffeil yn cynnwys un ar ddeg llythyr oddi wrth Kate Roberts at Islwyn Ffowc Elis yn trafod Tywyll Heno, a beirniadaeth cystadleuaeth y fedal ryddiaith yn Eisteddfod Genedlaethol Dyffryn Maelor, 1961, ymhlith materion eraill.

Mae'r ffeil yn cynnwys dau lythyr ar hugain oddi wrth E. Tegla Davies at Islwyn Ffowc Elis. Mae dau o'r llythyrau cynharaf, 1953, yn gopïau a wnaed gan Islwyn Ffowc Elis o'r llythyrau gwreiddiol.

Mae'r ffeil yn cynnwys tri llythyr ar ddeg oddi wrth Dyddgu Owen at Islwyn Ffowc Elis.