Dangos 56 canlyniad

'Yr Eosiaid', (Llandysul, 1936). Copi carbon o'r sgript a addaswyd ar gyfer ei darlledu ar y radio. Perfformiwyd y sioe hon gyntaf i Gymdeithas y Geltaidd, Coleg Prifysgol Cymru, Aberystwyth, ar 7 Chwefror 1923.

'Yr Anfarwol Ifan Harris', c. 1928. Copi teipysgrif o'r ddrama oedd yn fuddugol yng nghystadleuaeth y ddrama yn Eisteddfod Genedlaethol Caergybi, 1927, dan y ffugenw De Mortuis, gyda nodiadau yn llaw'r awdur.

'Y Gân Olaf'. Copi llawysgrif o'r sgript, ynghyd â llythyr at Gwenallt oddi wrth y BBC wedi ei arwyddo gan ysgrifenyddes Aneirin Talfan Davies, 16 Gorffennaf 1947.

'Y Clochydd', c.1924. Darnau amrywiol o ryddiaith a barddoniaeth a gasglwyd ar gyfer 'Y Clochydd'; mewn teipysgrif ac yn llaw Idwal Jones ac eraill.

Toriadau papur newydd, 1926-40, yn cynnwys adolygiadau o ddramâu cyhoeddedig Idwal Jones a pherfformiadau ohonynt, ynghyd â chopïau o'r Llwyfan, Cylchgrawn Undeb y Ddrama Gymreig, Coleg Prifysgol Cymru, Aberystwyth, Mehefin-Gorffennaf 1928, a The Dragon, Cylchgrawn y Coleg, Tymor yr Hydref 1926, sy'n cynnwys cyfraniadau gan Idwal Jones.

'Toddi'r Ia', (Caerdydd, 1926). Copi argraffedig o'r ddrama wedi ei arwyddo gan yr awdur ac yn cynnwys nodiadau yn ei law ei hun. Cyflwynwyd y ddrama hon yn wreiddiol ar gyfer cystadleuaeth yn Eisteddfod Rhyng-golegol 1921.

Teipysgrif o'r sgript ar gyfer y B.B.C. yn dwyn y teitl 'Mae Hi'n Nadolig 'Fory' sy'n cynnwys llawer o nodiadau a chywiriadau yn llaw'r awdur.

Sgript y rhaglen 'Sut Hwyl' a ddarlledwyd ar wasanaeth radio'r B.B.C., 19 Ebrill 1943, ac sydd yn cynnwys peth o waith Idwal Jones.

'Pobl yr Ymylon', (Abertawe, 1927). Copi carbon o'r drydedd act, ynghyd â gohebiaeth gan wahanol unigolion, gan gynnwys Kate Roberts a T. Gwynn Jones, yn ymdrin â'r ddrama.

'Pasiant Siroedd a Thafodieithoedd Cymru', c. 1935. Copïau teipysgrif a llawysgrif o wahanol ddarnau yn portreadu gwahanol dafodieithoedd Cymru, ynghyd â llythyrau gan ddau o'r cyfranwyr a llythyr oddi wrth Idwal Jones at Sam Jones y B.B.C., 24 Ebrill 1935, yn ceisio datrys anghyfod a fu rhwng y ddau ynglyn â'r sgript.

'My Piffle', 1926. Tri chopi carbon o'r sgript sy'n ddychan ar My People, Caradoc Evans. Teipiwyd un copi yn y Llyfrgell Genedlaethol.