Dangos 96 canlyniad

Mae'r fonds yn cynnwys ei lawysgrifau llenyddol; gohebiaeth bersonol, [?1903]-1992; papurau'n ymwneud â'i deulu, yn enwedig ei ewythr R. Silyn Roberts, [?1847]-[?1986]; papurau'n gysylltiedig â'i waith fel golygydd cynorthwyol Y Faner, 1949-1992; ynghyd â nodiadau a darlithoedd a baratowyd ganddo ar gyfer dosbarthiadau Mudiad Addysg y Gweithwyr, [?1936]-1991.
Mae'r papurau ychwanegol (Rhodd Medi 2021), 1894-2019 (gyda bylchau), yn cynnwys gohebiaeth, barddoniaeth, ysgrifau, papurau'n ymwneud â'r Faner, ffotograffau a phapurau pobl eraill.

Papurau ychwanegol Mathonwy Hughes, [1850]-2019 (gyda bylchau), yn cynnwys gohebiaeth, barddoniaeth, ysgrifau, papurau'n ymwneud â'r Faner, ffotograffau a phapurau pobl eraill.

Llythyrau a dderbyniodd Mathonwy Hughes fel golygydd Y Faner ac yn ymwneud â'i ddiddordebau llenyddol, 1943-1993.

Llythyrau oddi wrth lenorion yn bennaf, 1943-1992, gan gynnwys John Roderick Rees; [R.] Bryn Williams; Gwynfor [Evans]; Gwilym R. Tilsley; [R.] Tudur [Jones]; Bedwyr Lewis Jones; John [Gwilym Jones]; T. E. Nicholas; Kate Roberts; Waldo Williams; Lewis Valentine; Angharad Tomos; E. Prosser Rhys; D. J. Williams; T. H. Parry-Williams; W. R. P. George; a T. Llew Jones.

Llythyrau, 1952-1993, oddi wrth Bedwyr Lewis Jones; Merêd[ydd] [Evans]; Tom [Parry]; Cynan; Kate Roberts ac eraill.

Llythyrau, 1966-1985, oddi wrth Lynn Owen-Rees.

Llythyrau, 1967-1969, oddi wrth yr Arglwydd Maelor (T. W. Jones).

Llythyrau, 1982-1989, oddi wrth Alan Llwyd, Barddas.

Llythyrau amrywiol, 1952-1990, ynghyd ag ysgrif 'Colli'r traw' ganddo.

Englynion Mathonwy Hughes, gan gynnwys ‘Y Parch. Lewis Valentine yn 90 oed’, ‘Criw Y Faner’, ‘Y Babell Lên’, ynghyd â chopi o’i gerdd ‘Cwm Silyn (Hwyr Awst) [a gyhoeddwyd yn ei gyfrol Corlannau a cherddi eraill (Llyfrau'r Faner, 1971), ac englyn Derwyn Jones i Mathonwy Hughes (ar ôl darllen ei gyfrol Corlannau). Ceir hefyd gopi o drefn gwasanaeth angladd Mathonwy Hughes, 8 Mai 1999, a gynhaliwyd yn y Capel Mawr, Dinbych.

Ysgrifau yn llaw Mathonwy Hughes, [1985]-[1990]: 'Synhwyro', 'Cyflymder' (anghyflawn), 'Mentro meddwl', 'Hanfod bod a byw', 'Y ffactor tywyll', 'Deddfau sy'n dal', 'Gwadu’r hil', 'Dameg y chwynyn' 'Y goleuni mewnol', 'Methiant addysg', 'Y gobaith olaf', 'Methiant crefydd', 'Synhwyro. Y glust', 'Elwgarwch' a 'Methiant gwleidyddiaeth'.

Papurau, 1894-1985, yn ymwneud â chyfraniadau Mathonwy Hughes i'r Faner fel golygydd cynorthwyol.

Torion yn ymwneud â theithiau Mathonwy Hughes i Sir Benfro, Yr Ynys Werdd, Yr Alban, Gwlad yr Haf, Cwm Rhondda, Cernyw a gyhoeddwyd yn Y Faner, 1963-1972.

Papurau amrywiol, 1894-1985, gan gynnwys rhestr brintiedig o swyddogion Cymdeithas Gyfeillgar Dyffryn Nantlle, 1894, rhaglenni eisteddfod gadeiriol Ysbyty Gogledd Cymru, Dinbych, 1980-1, dirwy a roddwyd iddo am yrru yn ddiofal yn 1983 ac erthygl Mathonwy Hughes, ‘Dyfodol Y Faner’, am fwriad Cyngor y Celfyddydau i derfynu ei gymorthdal tuag at gynnal Y Faner, [1987].
Ceir hefyd enghreifftiau o waith Ellen Mary Hughes, mam Mathonwy Hughes, a rhaglen brintiedig Sioe Nantlle Vale, Penygroes, 1901.

Ffotograff o deulu Bryn Tawel, Salem Crescent, Pwllheli, gyda'r enwau ar y cefn, [1894].

Ffotograff o aelodau dosbarth Arholiad Cyfundebol Dosbarth Talysarn a Tan’rallt, 1921, 1922 a 1923, ac mae Mathonwy Hughes, Tan'rallt, yn eu plith.

Ffotograffau o Mathonwy Hughes ac atgynhyrchiad o ffotograff o lun cynnar ohono, tua 1905 (Archifau Gwynedd Archives); toriadau o'r Daily Post, 1987, gyda'r pennawd 'Mathonwy Hughes - octogenerian with clear views about what he wants for his country' ac o erthygl Angharad Thomas, 'Saib Silyn a throi at ei nai', 2019 , ynghyd â ffotograff o Meredydd Evans a'r [actor Guto Roberts].