Showing 96 results

Llythyrau, 1952-1993, oddi wrth Bedwyr Lewis Jones; Merêd[ydd] [Evans]; Tom [Parry]; Cynan; Kate Roberts ac eraill.

Llyfrau yn cynnwys nodiadau ar ddarlithoedd Mudiad Addysg y Gweithwyr, sy'n canolbwyntio'n bennaf ar hanes a llenyddiaeth Cymru, a gymerwyd gan Mathonwy Hughes ac eraill tra buont yn fyfyrwyr.

Nodiadau rhydd ar ddarlithoedd Mudiad Addysg y Gweithwyr, sy'n canolbwyntio'n bennaf ar hanes a llenyddiaeth Cymru, a gymerwyd gan Mathonwy Hughes ac eraill tra buont yn fyfyrwyr.

Papurau amrywiol, 1894-1985, gan gynnwys rhestr brintiedig o swyddogion Cymdeithas Gyfeillgar Dyffryn Nantlle, 1894, rhaglenni eisteddfod gadeiriol Ysbyty Gogledd Cymru, Dinbych, 1980-1, dirwy a roddwyd iddo am yrru yn ddiofal yn 1983 ac erthygl Mathonwy Hughes, ‘Dyfodol Y Faner’, am fwriad Cyngor y Celfyddydau i derfynu ei gymorthdal tuag at gynnal Y Faner, [1987].
Ceir hefyd enghreifftiau o waith Ellen Mary Hughes, mam Mathonwy Hughes, a rhaglen brintiedig Sioe Nantlle Vale, Penygroes, 1901.

Mae'r gyfres yn cynnwys papurau ac eitemau amrywiol, yn bennaf mân greiriau megis meillion pedair deilen, a gasglwyd gan Mathonwy Hughes a'i deulu, [?1872]-[?1990].

Cerddi ‘Canhwyllau’r Pasg’ a ‘Drws Gobaith’ gan Eurion John, ynghyd â llythyr oddi wrtho, 1982. Ceir hefyd waith gan Gruffudd Parry.

Mae'r gyfres yn cynnwys llythyrau, dyddiaduron (yn cofnodi apwyntiadau yn bennaf), a phapurau amrywiol Lili Williams, [?1940]-1981, sef merch i Evan Roberts, hanner brawd Ellen Hughes, mam Mathonwy Hughes.

Mae'r uned yn cynnwys llawysgrifau a theipysgrifau, [?1915]-[?1999], o farddoniaeth Mathonwy Hughes, cyfrolau cyhoeddedig, erthyglau, ysgrifau, a'i nofel anghyhoeddedig Y Pris, yn ogystal â chopïau o'i waith fel beirniad, beirniadaethau a dderbyniodd ef ar ei waith, a deunydd a baratowyd ar gyfer ymrysonau barddol.

Mae'r gyfres yn cynnwys papurau Mair Hughes, Davies gynt, [?1901]-[?1986],sef gwraig Mathonwy Hughes. Ymysg ei phapurau personol ceir deunydd yn ymwneud â'i theulu.

Mae'r fonds yn cynnwys ei lawysgrifau llenyddol; gohebiaeth bersonol, [?1903]-1992; papurau'n ymwneud â'i deulu, yn enwedig ei ewythr R. Silyn Roberts, [?1847]-[?1986]; papurau'n gysylltiedig â'i waith fel golygydd cynorthwyol Y Faner, 1949-1992; ynghyd â nodiadau a darlithoedd a baratowyd ganddo ar gyfer dosbarthiadau Mudiad Addysg y Gweithwyr, [?1936]-1991.
Mae'r papurau ychwanegol (Rhodd Medi 2021), 1894-2019 (gyda bylchau), yn cynnwys gohebiaeth, barddoniaeth, ysgrifau, papurau'n ymwneud â'r Faner, ffotograffau a phapurau pobl eraill.

Mae'r grŵp yn cynnwys papurau a gasglwyd gan Mathonwy Hughes tra'n aelod o ddosbarthiadau, ac yn ddarlithydd gyda Mudiad Addysg y Gweithwyr, [?1936]-1991.

Mae'r is-fonds yn cynnwys ei bapurau personol, [?1862]-[?1995].

Mae'r gyfres yn cynnwys papurau, [?1847]-[?1935], a gasglwyd gan hanner brodyr a chwiorydd mam Mathonwy Hughes, ynghyd â pherthnasau amrywiol eraill. Ymhlith y papurau ceir llyfrau rhent, llythyrau, llyfrau ysgol a phapurau personol.

Enghreifftiau o waith creadigol Mair Hughes, gwraig Mathonwy Hughes, Eurion John a Gruffudd Parry, ynghyd â'r meddyg teulu Dr Gwilym Pari Hughes, [1975]-1983.

Mae'r gyfres yn cynnwys papurau'r Prifardd R. Silyn Roberts, ynghyd â phapurau ei wraig Mary Silyn Roberts, ac ychydig o bapurau eu plant, Glyn ap Silyn, Meilir ap Silyn a Rhiannon Silyn Roberts, [?1898]-[?1940]. Ymysg y papurau ceir ychydig o lawysgrifau cerddi R. Silyn Roberts, a llythyrau oddi wrtho at aelodau eraill ei deulu.

Mae'r gyfres yn cynnwys papurau rhieni Mathonwy Hughes, [?1887]-[?1962], gan gynnwys eitemau'n ymwneud â'u priodas, 1901.

Mae'r gyfres yn cynnwys papurau amrywiol nain a thaid Mathonwy Hughes, sef rhieni ei fam, yn bennaf llythyrau a phapurau swyddogol megis cofnodion rhent, [?1847]-1902.