Showing 84 results

Mae papurau Glyn M. Ashton a dderbyniwyd yn 1992 yn cynnwys ei bapurau ymchwil, ynghyd â nifer o ysgrifau ac adolygiadau, gweithiau llenyddol, sgriptiau radio, gohebiaeth a deunydd printiedig. -- Mae'r papurau a dderbyniwyd yn 2001 yn cynnwys nodiadau a drafftiau o'i erthyglau a'i ddarlithoedd; copïau o lawysgrifau; drafftiau o'i nofelau a'i ddramâu; gohebiaeth; ynghyd â chofnodion Pwyllgor Eisteddfod y Barri, 1968.

Papurau ymchwil; ysgrifau ac adolygiadau; sgriptiau radio; gwaith llenyddol; llyfrau nodiadau; gohebiaeth; deunydd printiedig; a phapurau amrywiol.

Papurau ymchwil (3 bocs) ar hanes rhyddiaith a barddoniaeth Cymru, â phwyslais arbennig ar y cyfnod 1750-1850. Mae'r deunydd yn amrywio o fras nodiadau i benodau gorffenedig, gan gynnwys deunydd ar gyfer traethawd ymchwil Glyn Ashton 'A description of Welsh Literature, 1800-1810' (PhD Prifysgol Llundain, 1953) [NLW MSS 15,559-60C]; papurau ynglyn â'r gyfrol Rhyddiaith Gymraeg 1750-1850 (Caerdydd, 1988); a drafft llawysgrif ei bennod 'Literature in Welsh, c. 1770-1900' yn Glamorgan County History, cyf. VI, gol. gan Prys Morgan (Cardiff, 1988), tt. 333-52, ynghyd â sylwadau'r Athro Ceri Lewis ar y gwaith, 1985. Ceir hefyd nodiadau a chyfeiriadau llyfryddol; a deunydd crai erthyglau a gyhoeddwyd yn Diwinyddiaeth, Llên Cymru, Y Traethodydd, a chylchgronau eraill. Defnyddiwyd cefnau llythyrau, amlenni, taflenni, etc., ar gyfer llawer o'r nodiadau. Defnyddiwyd hefyd gefn llawysgrifau gweithiau llenyddol o'i eiddo gan gynnwys Angau yn y Crochan (Dinbych, 1969).

Llythyrau cydymdeimlad ar golli baban, 1939.

Llythyrau (30), 1957-8, ynglyn â phenodiad Glyn Ashton yn Geidwad Llyfrgell Salisbury, Coleg y Brifysgol, Caerdydd, 1957, gan gynnwys llythyrau oddi wrth Idris Ll. Foster (70/7-8), Alun Llywelyn-Williams (70/22-3), Jac L. Williams (70/24), a T.H. Parry-Williams (70/25).

Eisteddfod Genedlaethol Frenhinol Cymru, Y Barri a'r Fro, Awst 5-10, 1968. Rhestr Testunau, yn cynnwys ysgrif 'Y Barri-ddoe a heddiw' gan Glyn Ashton (tt. 30-3).

'Bard', drama gan Dedwydd Jones ("This edition is the author's original working script, submitted as commissioned, for the opening production of the Sherman Theatre, University College, Cardiff"). Ceir nodyn yn llaw'r awdur 'For Dr Glyn Ashton, with deepest thanks for all your help and kind advice', 1972.

Cytundeb, 22 Meh. 1961, rhwng Gee a'i Fab, Cyf., a Glyn Ashton ynglyn â'r gyfrol Gemau Hwngaria; adolygiadau papur newydd o lyfrau Glyn Ashton, 1964-9; ac eitemau amrywiol eraill.

Mae'r gyfres hon yn cynnwys nodiadau amrywiol a drafftiau o erthyglau a darlithoedd yn ymwneud ag iaith, llenyddiaeth Cymru a llenyddiaeth dramor, llenorion, cyhoeddi, yn enwedig y Beibl, esboniadau beiblaidd, yn ogystal â ffeil ar ddehongli breuddwydion.

Mae'r ffeil hon yn cynnwys drafft o erthygl, neu ragymadrodd i erthygl neu lyfr, yn ymwneud â llyfryddiaeth Gymraeg, yn dwyn y teitl 'Rhagarweiniad'.

Mae'r ffeil hon yn cynnwys llyfr nodiadau ar lawysgrifau LlGC 7541-5, 'Bibliography of Monmouthshire' gan William Haines. Yn darllen o'r cefn i'r blaen yn yr un llyfr nodiadau mae copi llaw o feirniadaeth S.H. Davies ar gystadleuaeth yn ymwneud â llyfryddiaeth Cymru. Yn y ffeil hefyd, mae copïau llaw o lawysgrifau LLGC o lythyrau Charles Ashton, ac erthygl yn dwyn y teitl 'Englyn gan R. Williams-Parry'.

Mae'r ffeil hon yn cynnwys penodau ynglŷn ag areithwyr neu siaradwyr cyhoeddus Cymru, megis Gunstone Jones, T.J. Morgan, Harri Gwynn a G.J. Williams.

Mae'r ffeil hon yn cynnwys drafft o'r llyfr Gemau Hwngaria a baratowyd ar y cyd rhwng Glyn M. Ashton a Tamâs Kabdebo. Ceir drafft o'r rhagymadrodd i'r llyfr a chyfieithiadau i'r Gymraeg o straeon gwerin Hwngari.

Mae'r ffeil hon yn cynnwys nodiadau ar Gwallter Mechain, Thomas Price (Carnhuanawc), William Owen Pughe, Iolo Morganwg, John Jones, Glan-y-gors, Dafydd Ddu Eryri, Robert Jones, Rhos-lan, a William Ellis Jones 'Y Bardd neu y meudwy Cymreig'. Yma hefyd mae nodiadau ar draethawd M.A. Richard Griffith Owen 'Brwydr y ddau gyfansoddiad' ac adolygiad o 'Barn ar Egwyddorion Llywodraeth', Emyr Wyn Jones, yn ogystal â dalennau llyfryddiaethol.

Mae'r ffeil hon yn cynnwys drafft o erthygl yn dwyn y teitl 'Ysgrifennu Stori Fer' wedi ei hysgrifennu ar gefnau siacedi llwch.