Dangos 84 canlyniad

Papurau ymchwil (2 focs) ar Thomas Edwards ('Twm o'r Nant', 1739-1810) gan gynnwys deunydd ar gyfer traethawd Glyn Ashton 'Bywyd a gwaith Twm o'r Nant a'i le yn hanes yr anterliwt' (MA Prifysgol Cymru, 1944) [traethawd LLGC 1944/1], a llawysgrif ei gyfrol Hunangofiant a Llythyrau Twm o'r Nant (Caerdydd, 1948).

Mae papurau Glyn M. Ashton a dderbyniwyd yn 1992 yn cynnwys ei bapurau ymchwil, ynghyd â nifer o ysgrifau ac adolygiadau, gweithiau llenyddol, sgriptiau radio, gohebiaeth a deunydd printiedig. -- Mae'r papurau a dderbyniwyd yn 2001 yn cynnwys nodiadau a drafftiau o'i erthyglau a'i ddarlithoedd; copïau o lawysgrifau; drafftiau o'i nofelau a'i ddramâu; gohebiaeth; ynghyd â chofnodion Pwyllgor Eisteddfod y Barri, 1968.

Mae'r ffeil hon yn cynnwys deg llyfr ateb arholiad ag ynddynt nodiadau ar William Richards, Lynn (1749-1818). Yn darllen i'r cyfeiriad arall mae nodiadau ar 'Gerdd-dafod Pantycelyn'.

Mae'r ffeil hon yn cynnwys drafft o erthygl yn dwyn y teitl 'Ysgrifennu Stori Fer' wedi ei hysgrifennu ar gefnau siacedi llwch.

Mae'r ffeil hon yn cynnwys erthygl yn dwyn y teitl 'Esboniadau beiblaidd 1801-25', nodiadau ar Feibl Thomas Charles, 1799, a nodiadau pellach, yn bennaf ar gyhoeddi beiblau. Yn y ffeil hefyd mae nodiadau ar englynion y misoedd, ar Gymraeg Canol, ac ar 'Blodau Arfon', Dewi Wyn o Arfon.

Mae'r ffeil hon yn cynnwys erthygl ar 'Drefn yr elfennau Brawddegol yn 'Branwen'', nodiadau ar 'G.F. Williams a Ballinger', copi teipysgrif o 'At y Cymru' gan Davis Jones, 1779, ynghyd â llyfryddiaeth. Y mae hefyd nodiadau amrywiol yn ymwneud â llenyddiaeth, darlith ar ryddiaith O.M. Edwards a thrafodaeth ar englynion y misoedd.

Mae'r ffeil hon yn cynnwys nodiadau ar Gwallter Mechain, Thomas Price (Carnhuanawc), William Owen Pughe, Iolo Morganwg, John Jones, Glan-y-gors, Dafydd Ddu Eryri, Robert Jones, Rhos-lan, a William Ellis Jones 'Y Bardd neu y meudwy Cymreig'. Yma hefyd mae nodiadau ar draethawd M.A. Richard Griffith Owen 'Brwydr y ddau gyfansoddiad' ac adolygiad o 'Barn ar Egwyddorion Llywodraeth', Emyr Wyn Jones, yn ogystal â dalennau llyfryddiaethol.

Mae'r ffeil hon yn cynnwys llyfr nodiadau ar lawysgrifau LlGC 7541-5, 'Bibliography of Monmouthshire' gan William Haines. Yn darllen o'r cefn i'r blaen yn yr un llyfr nodiadau mae copi llaw o feirniadaeth S.H. Davies ar gystadleuaeth yn ymwneud â llyfryddiaeth Cymru. Yn y ffeil hefyd, mae copïau llaw o lawysgrifau LLGC o lythyrau Charles Ashton, ac erthygl yn dwyn y teitl 'Englyn gan R. Williams-Parry'.

Mae'r ffeil hon yn cynnwys ffotogopi a dau gopi llaw o ddogfen Ladin o ganol y ddeuddegfed ganrif a deitlwyd 'Unde ffloreum Illiricum' ac sydd yn sôn am Galfridus; nodiadau ynglŷn â Maredydd ap Rhys; erthygl yn dwyn y teitl 'Religious Dissent in Wales on the eve of the Methodist revival' gan y Parch. Noel Evans; esboniadau beiblaidd; nodiadau yn ymwneud â Peter Williams, 1723-1796, nodiadau ieithyddol; ac erthygl yn dwyn y teitl 'Deng Mlynedd' yn ymwneud â'r Methodistiaid Wesleaidd rhwng 1811 ac 1820.

Mae'r ffeil hon yn cynnwys drafft o erthygl Saesneg yn trafod llenyddiaeth Gymraeg yn ystod y cyfnod rhwng 1945 a 1975; cyfarwyddidau ar lunio llyfryddiaeth ynghyd ag enghreifftiau; nodiadau ar ddarlith 'Ysgolheictod a Llenyddiaeth'; erthygl ar y cysylltiad rhwng llenorion yn y bedwaredd ganrif ar bymtheg yn dwyn y teitl 'Dolennau'; nodiadau ar feirniadaeth lenyddol; cerdd Saesneg 'Spring Song' heb enw bardd; coeden deulu Enid Mary Morgan; copi llaw o lythyr gan J.W. Prisiart at Twm o'r Nant; erthygl 'Bristol Channel Pirates'; nodiadau ar Wasg Trefecca; erthygl yn dwyn y teitl 'Twm o'r Nant yn Sir Gaer'; copïau llaw o ddwy ffynhonnell lawysgrif wahanol o 'Drithlws ar ddeg Ynys Prydain'; a chopi llaw mewn llyfr nodiadau o gopi Caerdydd o 'The Heroic Elegies and the Pieces of Llywarch Hen...'

Mae'r gyfres hon yn cynnwys nodiadau amrywiol a drafftiau o erthyglau a darlithoedd yn ymwneud ag iaith, llenyddiaeth Cymru a llenyddiaeth dramor, llenorion, cyhoeddi, yn enwedig y Beibl, esboniadau beiblaidd, yn ogystal â ffeil ar ddehongli breuddwydion.

Mae'r ffeil hon yn cynnwys nodiadau ar gystrawen y frawddeg 'breenhin na freenhin', ynghyd â geirfa archaeolegol, neu ddaearegol o bosibl, a hynny yn Saesneg mewn llyfr ateb cwestiynau arholiad.

Mae'r ffeil hon yn cynnwys rhannau o ddrafft y nofel Mae'n gweld o bell.

Llythyrau cydymdeimlad ar golli baban, 1939.

Llythyrau a chardiau (460) at Glyn Ashton, 1927-88 a d.d., wedi'u trefnu, hyd y bo modd, yn ôl dyddiad. Mae'r gohebwyr yn cynnwys David James Jones ('Gwenallt'), 1927 (64/1); John Lloyd-Jones, 1928-47 (64/2-3, 5, 100, 168); Gwilym R. Tilsley, 1934 (64/7); Henry Lewis, 1935-49 (64/9-12, 52, 229); Dewi Prys Thomas, 1943 (64/74); Thomas Parry, 1946-58 (64/148, 382, 388, 393, 397); Ifor Williams, 1947 (64/169); Ifan ab Owen Edwards, 1949-50 (64/235, 240, 261, 276, 303); a D. Tecwyn Lloyd, 1957 (64/391).

Llythyrau (33), 1942-6, at Glyn Ashton oddi wrth Edward Hughes, rheithor Llanddulas, Abergele, yn ymwneud gan mwyaf â'u hymchwil ar Thomas Edwards, 'Twm o'r Nant'.

Llythyrau (30), 1957-8, ynglyn â phenodiad Glyn Ashton yn Geidwad Llyfrgell Salisbury, Coleg y Brifysgol, Caerdydd, 1957, gan gynnwys llythyrau oddi wrth Idris Ll. Foster (70/7-8), Alun Llywelyn-Williams (70/22-3), Jac L. Williams (70/24), a T.H. Parry-Williams (70/25).