Print preview Close

Showing 89 results

Archival description
Papurau David Bowen a Ben Bowen, file
Print preview View:
Ascending

1 results with digital objects Show results with digital objects

Llythyrau at Ben Bowen

Mae'r ffeil yn cynnwys llythyrau at Ben Bowen, gan gynnwys llythyrau oddi wrth O. M. Edwards, John Gwili Jenkins, Lizzie Bowen, Dyfnallt, E. K. Jones, Elfed, Eluned Morgan, David Bowen, David Richards a Dafydd Morganwg. Ceir llythyrau yn cydymdeimlo ar farwolaeth ei dad, a llythyrau'n sôn am farddoniaeth, am Dde Affrica ac am gyflwr iechyd Ben Bowen.

Edwards, Owen M. (Owen Morgan), 1858-1920

Llythyrau oddi wrth Ben Bowen

Mae'r ffeil yn cynnwys llythyrau a chardiau post, y mwyafrif o Kimberley a Cape Town, De Affrica, ac eraill o Gymru, wedi eu hysgrifenu at ei frawd ac aelodau eraill o'r teulu yn bennaf, gan gynnwys llythyrau at E. K. Jones a William Morgan. Mae'r rhan helaethaf o'r llythyrau yn trafod barddoniaeth, diwinyddiaeth a chyflwr ei iechyd. Cyhoeddwyd ei lythyrau yn David Bowen (gol.), Ben Bowen yn Neheudir Affrica, Llanelli, 1928 a Cofiant a Barddoniaeth Ben Bowen, Treorci, 1904.

Morgan, William, 1846-1918

Papurau amrywiol

Mae'r ffeil yn cynnwys tysteb, a gasglwyd gan E. K. Jones, i hyrwyddo taith Ben Bowen i Dde Affrica; papurau'n ymwneud â'i siwrne a'i arhosiad yn Kimberley, 1902, a cherdyn angladdol Ben Bowen, 20 Awst 1903; ynghyd â cherddi teyrnged iddo, 1903-38, yn cynnwys un yn llaw Dyfnallt.

Jones, E. K. (Evan Kenffig), 1863-1950

Dyddiaduron

Dyddiadur, 1901, yn disgrifio taith Ben Bowen a'i gyfnod yn Ne Affrica, ynghyd â dyddiadur 25 Mai-9 Gorff. 1902, yn dwyn y teitl 'Homeward Bound' yn disgrifio ei daith yn ôl.

Ysgrifau crefyddol

Mae'r ffeil yn cynnwys ysgrifau crefyddol ar destunau yn cynnwys 'Cymundeb', 'Cymundeb Rhydd', a 'Spinther' sef amddiffyniad o'i erthygl wreiddiol ar y cymundeb a ysgrifennwyd yn Lisbon, Portiwgal, Gorffennaf 1902. Cyhoeddwyd yr atodiad i'r amddiffyniad yn Rhyddiaith Ben Bowen fel 'Cwestiwn yr Atgyfodiad'.

Pregethau a nodiadau pregethau

Mae'r ffeil yn cynnwys pregethau, cynlluniau pregethau a nodiadau gan Ben Bowen, gan gynnwys drafftiau o 'Y Lili', 'Duw yn Ateb' a 'Milwr Iesu Grist'; nodiadau o bregethau a glywodd Ben Bowen, 1896-1899, ynghyd â nodyn gan E. K. Jones yn rhestru enwau rhai o'r traddodwyr. Cyhoeddwyd 'Y Lili', 'Duw yn Ateb' a 'Milwr Iesu Grist' yn David Bowen (gol.), Rhyddiaith Ben Bowen, Caerdydd, 1909.

Jones, E. K. (Evan Kenffig), 1863-1950

Erthyglau Cymraeg

Mae'r ffeil yn cynnwys erthyglau Cymraeg, megis drafftiau o 'Y Môr a Phrydain', 'Lili', a 'Darlun Celt Bach yr Affrig' a ysgrifennwyd yn Kimberley. Cyhoeddwyd 'Lili yn Cymru'r Plant, Hydref 1897 a 'Darlun Celt Bach yr Affrig' yn Cymru'r Plant, Hydref 1901.

Erthyglau Saesneg

Mae'r ffeil yn cynnwys erthyglau Saesneg, megis drafftiau o 'Treorchy', 'Mabon's Day' a 'The qualities of a Sunday school teacher'. Cyhoeddwyd 'Treorchy', 'Mabon's Day' a 'The qualities of a Sunday school teacher' yn David Bowen, Blagur Awen Ben Bowen, Caernarfon, 1915.

Results 1 to 20 of 89