Dangos 982 canlyniad

Mae'n amgau darn o farddoniaeth ar gyfer Y Llenor. ['Yma'n y Meysydd Tawel', Y Llenor, cyf. XIX (1940), t. 69]. Mae arno ofn fod ei awen wedi rhydu. Dyma'r gerdd gyntaf iddo ef lwyddo i'w hysgrifennu ers oes mul. Efallai y daw rhyw ddaioni o'r rhyfel os gall ei brofocio i ddychwelyd at yr hen lwybrau.

Mae'n gyrru ysgrif i'r Llenor ar iaith lafar y radio. ['Y Gymraeg ar y Radio', Y Llenor, cyf. XIX (1940), tt. 143-54]. Ei syniadau personol ef sydd ynddi nid datganiad swyddogol o bolisi'r BBC. Addasiad o femorandwm ydyw, mewn gwirionedd, a anfonwyd ganddo at Mr Hopkin Morris. Derbyniodd ganiatâd Mr Morris i anfon yr ysgrif at W. J. Gruffydd. Mae'n bosibl y bydd yn cynnig rhyw fath o arweiniad i'r pwnc. Mi fydd yn profi, beth bynnag, fod rhai o aelodau staff y BBC yn dymuno'n dda i'r heniaith ac yn awyddus i wneud eu gorau drosti. Mae De Cymru yn ei chael hi'n ddrwg gan gyrchoedd awyr yr Almaenwyr. Mae'n anodd derbyn bod pobl yn cael eu lladd yng Nghaerdydd ac Abertawe a mannau eraill yng Nghymru. Gobeithio y caiff y Gogledd lonydd.

Anfon cerdd arall. ['Dwy Gerdd i Alis', Y Llenor, cyf. XIX (1940), t. 111]. Onid yw'n drueni nad oes neb yn deall ei gerddi. Diolch am gyhoeddi'r gerdd flaenorol yn Y Llenor.

Diolch i W. J. Gruffydd am fod yn barod i baratoi llyfr ar gyfer cyfres Llyfrau'r Dryw ac am adolygu un arall yn Y Llenor.

Mae'n casglu barddoniaeth ar gyfer detholiad sydd i'w gyhoeddi gan Lyfrau'r Dryw. Mae'n gofyn caniatâd W. J. Gruffydd i gyhoeddi 'Angof' ac 'In Memoriam' a bydd lle i ddwy gerdd arall. Darllenodd ysgrif W. J. Gruffydd yn Y Tyst ar fater diswyddiad Iorwerth Peate. Awgrymu bod Syr Cyril Fox wedi darnguddio gwybodaeth bwysig a chamarwain Cyngor yr Amgueddfa.

Esbonio nad oedd ganddo ef na Llyfrau'r Dryw ran yn y cynllun i ddewis Saunders Lewis fel golygydd newydd Y Llenor. Alun [Talfan Davies] wedi ysgrifennu at Y Cymro ar y mater er mwyn ceisio achub Y Llenor fel cylchgrawn. Apelio ar W. J. Gruffydd i berswadio Hughes a'i Fab i ailafael yn Y Llenor a'i gyhoeddi'n rheolaidd.

Hoffai petai W. J. Gruffydd a Syr Arnold Gridley yn gwrthwynebu'r Bil Hydro-Electric Albanaidd. Nid yw'r Sais cyffredin yn malio am Ucheldiroedd yr Alban. Mae dros bedair miliwn o aceri ar gyfer ceirw ac adar i'w saethu - cymaint â maint deg o siroedd yr Alban ar gyfartaledd. Mae yna filoedd o bobl heb dir a hoffai weithio mewn amaethyddiaeth. Ni ellir cael digon o dir i bori un buwch arno i gyflenwi digon o laeth. Caiff y plant y darfodedigaeth a'r tir o'u cwmpas yn pydru dan y ceirw. Mae'r Torïaid yn rheoli yn yr Ucheldiroedd. Cyfeiriad at ddeddf 1911 'The Scottish Small Landholders Act' a'r gwaith da a wnaethpwyd ar y cychwyn i greu tiroedd a thyddynnod allan o'r fforestydd ceirw. Dylid gofyn i Ysgrifennydd Gwladol yr Alban paham nad yw'r gwaith hwn yn parhau. Paham na fedrid defnyddio'r 30 miliwn o bunnau i greu cartrefi a thiroedd i'r milwyr sy'n dychwelyd o'r rhyfel. Ni all roi ei enw a'i gyfeiriad oherwydd ei fod yn dal swydd arbennig.

Llongyfarch a diolch i W. J. Gruffydd am gofiant O. M. Edwards.

Cafodd swydd gyda'r BBC ac y mae'n hapus iawn yno. Aeth yno'n syth wedi gorffen yn y Coleg. Yno dros dro y mae hyd yn hyn ond y mae argoelion am waith parhaol. Roedd prysurdeb y swyddfa yn ddychryn iddi ar y dechrau. Cyn cael swydd barhaol bydd yn rhaid iddi gyflwyno tri geirda i'r awdurdodau ac y mae'n gofyn am un gan W. J. Gruffydd. Mae'n holi os oes modd iddi gael gafael ar gopi o'r Hen Atgofion ar gyfer ffrind. Diolch i W. J. Gruffydd am ei holl garedigrwydd tra y bu ar staff y Coleg.

Diolch i W. J. Gruffydd am ei lythyr a'r geirda. Y mae'n gweithio yn Broadcasting House am fis. Bu'n aros mewn ty sydd gan y BBC yn Grosvenor Square a chysgu ar y llawr isaf - rhyw ddeg ar hugain neu ragor ohonynt. Cawsent noson ddrwg o fomio y nos Wener flaenorol. Diolch am gynnig ei gwaith yn y Coleg yn ôl iddi. Ni all awgrymu neb addas ar gyfer y swydd honno.

Copi teipysgrif.

Copi teipysgrif.

Diolch iddi am ei llythyr. Methodd â gweld unrhyw anhawster nes iddo ymddangos. Ei esboniad ef oedd eu bod yn ceisio cadw cyswllt rhwng Undeb yr Ysgolion Sirol â'r Bwrdd Canol Cymreig. Mae'n rhagweld brwydr hir ac yn teimlo fel rhoi'r gorau i'r achos am ei fod wedi blino ar fod yn amhoblogaidd.

Autograph copy of W. J. Gruffydd's play Dyrchafiad Arall I Gymro: Drama Mewn Dwy Act [Published by Welsh Outlook Press, Cardiff. 1914]. 40 ff.

Autograph draft [of 'Pwyll Pendevic Dyved - an Inquiry into the sources and development of the first branch of the Mabinogi' ?] (10 ff.), and draft notes, in Welsh, dealing with the origins and development of the Pedeir Keinc (7 ff.), no title. In autograph.

Y maent yn gwrthdystio yn erbyn yr ensyniadau a wnaeth W. J. Gruffydd yn ei nodiadau golygyddol yn Y Llenor [cyf. XIX (1940), t. 168] yn erbyn yr Athro J. E. Daniel, lle'r awgrymwyd bod J. E. Daniel yn camddefnyddio ei swydd trwy drosglwyddo ei syniadau gwleidyddol i'w fyfyrwyr.

Copi o rif 142 uchod.